平嘢冇好嘢，免費嘅更加要用腦諗清楚先好決定攞唔攞！
《縱橫遊》電腦被入侵，20萬客戶個人資料被盜。遇著這種與巿民有關的新聞，以往會怎選取街頭巿民的回應？通常都是一正一反，以表新聞之中立，然而看看今天《頭條日報》選了哪兩句？
「唔擔心⋯間間旅行社都有機會被入侵。」
「唔擔心得咁多，國防部嗰啲都會畀黑客入侵啦！」
想點？
香港人原來個個對個人資料都咁大方的，原來權貴都是咁值得包容的，原來少少防範都唔需要想，原來心境豁達個世界幾有問題都可以變到冇問題的。
國民教育恐怖？未算，這十多年來紅色傳媒在字裏行間向巿民灌輸的不問責，無人錯，包容權貴，人地出事唔代表關我事，人地唔好彩唔代表我都會唔好彩的心態才是真正的恐怖，你想想一個小孩由八歲開始看這些報導看到二十歲，最後會變成一個怎樣的人？
老人家貪份免費報紙可以墊煲，拿回家被小孩拿了來看，看著看著價值觀就被同化了。
這場文化戰，人家二十年前已經開始做，現在已陸續見到收成了。若你還有一點良心，請由今天起，教育身邊人戴返個腦才好去睇電視、上網、睇報紙。
佢唔會聽？好難？係㗎，不過盡做啦！呢一場一早就知係逆境波嚟，難打，都要打！
因為個球場，明明係我地㗎！
#最後的香港人
Search